soak di meat in water, wit(h) vinega(r) or lemon juice.
fo(r) di meat, allyuh can use anyt(h)ing tough
tough like Christmas times. tough like New Years times
tough like dem times deh.
pour a little bit of oil in di pot, just enough to braze di meat.
remember dem times? remember dis auntie an(d) dat uncle?
remember one present at midnight? jus(t) one present at midnight?
yes child, don’(t) vex me, jus(t) one present at midnight?
weh dem deh? weh dem deh, now?
now is your vegetables an(d) t(h)ings:
onion, thyme, brown sugar, cinnamon, salt, clove, garlic
an(d) cassareep, an(d) wiri wiri peppers
or scotch bonnet if you prefer
remember dem times in Keema’s yard
wit(h) a cordless phone an(d) a calling card
waiting for a ring
waiting for the pepperpot to finish
it’s been t(h)ree hours an(d) it still nuh finish
it’s been 10 years and I’m still waiting right
by the phone.